العودة   منتديات المصطبة > الأقسام العامة > منتدى النقاش الجاد

منتدى النقاش الجاد ناقش معنا بهدوء وبدون تعصب أشهر وأهم القضايا والمواضيع التى تشغل الجميع

لماذا يفشل الحب الاول..؟؟

كاتب الموضوع: Hayaty agmal ma feeha، فى قسم: منتدى النقاش الجاد


1 
Hayaty agmal ma feeha

ياريت الواحد يشارك ويقول وجهه نظره واللى شايفه نخش بقى فى موضوعنا

الحب الاول حب يكون صادق يخلو من جميع المصالح حب يمكن ان يولد فى الصغر
ويستمر معانا حتى نموت دائما نريد ان نتذكر ذلك الحبيب الاول الحبيب الذى سهرنا من اجله
الحبيب الذى ننتظر ان ننظر الى عينه بلهفه
وزى ماقال ابو تمام (انقل فؤادك حيث شئت من الهوى وما الحب الا للحبيب الاول)


لكن بسرعه الحب ده بينتهى ودايما القلب بيتصدم بالواقع الصعب

وياترى ياجماعه الحب ايه سبب فشله ( المجتمع- االاباءالبنت- الولد- السن)

1-المجتمع
المجتمع عندنا مجتمع شرقى ليه تقاليد وعادات متمسك بيها ممكن تكون التقاليد دى
هى سبب الفشل والسبب فى كده ان البنت او الولد كلام الناس بيخليهم يغيرو رأيهم
او انهم يتخالو عن بعض بكل سهوله

2 – الاباء
الاباء ممكن يكون خوفهم على ولدهم هو سبب ضايع الحب الاول
يمكن يكون رافضهم على الحب ده ومحاوله اقناع ولدهم بالبعد عن الحب ده
سبب من الاسباب اللى بيخلى الحب الاول يفشل

3-البنت
البنت ممكن تتكون سبب بهدم حياه شاب بسبب فضولها الكبير
لان البنت فعلا شديده الفضول عاوزه تعرف الشاب ده بيفكر في ايه
فتعمل معاه علاقه وتتهى العلاقه اول ما البنت ماتعرف افكار الشاب ده

4- الولد
الولد ممكن يكون سبب برضو بهدم حياه بنت عن طريق الهمجيه
او التسليه او انو يتباهى وسط صحابه وحاجات تانيه اكتر بتكون سبب
فى سرعه ان الولد سهل اوى انو ينهى الحب ده

5- السن
ممكن يكون اقوى سبب فى الاسباب الى فاتت ان ممكن يكون الحب الاول بيجى فى فتره
بيكون البنت او الولد مش عارفين يختارو كويس فينتهى الحب بينهم


بعد ما اتكلمت هقول شويه اسئله ياريت كل واحد فيكو يجاوب عليها


ما اسباب فشل الحب الاول فى وجهه نظرك؟

لماذا الحب الاول لن يكون الاخير ؟

هل مررت بالحب الاول ؟

هل حبك الاول فشل ام ناجح وما الاسباب ؟

ياريت كلنا نعرف وجهة نظر ردك عشان نستفيد






2 
ملكة بكبريائى

موضوع رائع ياقمر احييك عليه بجد من كل قلبى
وهرد على اسئلتك اهو


ما اسباب فشل الحب الاول فى وجهه نظرك؟
لو من الى انتى مختراهم يبقى كلهم بس الاقوى العادات والتقاليد وثم الاباء
ولكن لو بوجه عام حاجات كثيرة عدم التفاهم او انهم محبوش بعض بجد ومحسوش بعض
او ان فى طرف مش عارف يحب مع انه بيحبه جدا بس مش قادر يعمل حاجه تبين حبه فبتنتهى بالفشل اكيد

لماذا الحب الاول لن يكون الاخير ؟
مممممم مش عارفه بس فى كثير من القصص بتكمل بتبقى الاحب الاول هو الاخير
وخصوصا البنت طما حبت واحد اوووووى من كل قلبها وبصدق هيبقى صعب تحب غيرة زى الى حبته فى الاول لان اول الحب اقوى حب

هل مررت بالحب الاول ؟



ممممم ممكن مردش هههههههه نو لسه

هل حبك الاول فشل ام ناجح وما الاسباب ؟
مهو لسه لما يجى الحب هبقى اقدر اقيمه بس احساسى انه هيفشل ههههه معرفش ليه




5 
I'm JuSt Me

ما اسباب فشل الحب الاول فى وجهه نظرك؟
كل الاسباب اللى انتى قليتيها بس الاكتر بيبقى السن وكمان الواحد بيبقى لسه اول مره يحس الاحساس ده وبيبقى مش عارف حاجه
لماذا الحب الاول لن يكون الاخير ؟
ممكن الاخير , ليه لأ ؟ وممكن مش يكون الاخير بردو وبعدين الحياه تجارب واكيد بعد الحب الاول الواحد بيتعلم ازاى يعرف اللى بيحبه من اللى مش بيحبه , ويعرف ازاى مش يتضحك عليه
هل مررت بالحب الاول ؟
اه
هل حبك الاول فشل ام ناجح وما الاسباب ؟
انا كل حاجه ف حياتى فشلت وكمان الحب فشل والحمدلله انا اتعلمت حاجات كتير اوى مش كنت اعرفها
انا الاسباب عندى كانت الاهل و كمان تغيرات غريبه حصلت ليا فى تفكيرى وفى كل حاجه
ياريت كلنا نعرف وجهة نظر ردك عشان نستفيد



Powered by vBulletin® Copyright ©2000 - 2019, Jelsoft Enterprises Ltd.
المواد المنشورة في منتدي المصطبة لا تُعبر بالضرورة عن وجهة نظر القائمين على الموقع ولكنها تعبر عن وجهة نظر كاتبها فقط.