العودة   منتديات المصطبة > الأقسام الأدبية > منتدى الحب والرومانسية

منتدى الحب والرومانسية مواضيع الحب والرومانسية وكل ما يتعلق بالحب وأنواعه وأروع ما قيل فيه من كلمات

البنت هايلة بس على شرط

كاتب الموضوع: احزان القلب، فى قسم: منتدى الحب والرومانسية


1 
احزان القلب

مساء الورد على فضفضة .. يا جماعة انا معنديش مشكلة والحمد لله بس عندي موضوع محتاجة فيه إستشارة الجميع ..
صاحب جوزي شاب مهذب جدا ونفسه يتجوز من فترة وعمال يزن علية عشان أشارك في البحث عن عروسة فخطر على بالي واحدة من صاحباتي , هية البنت ممتازة جدا لكن مشكلتها الوحيدة انها مليانة شويتين ممتلئة القوام يعني .. ومش عارفة هل أوريله صورتها ولا اقوله انها مليانة شوية واشكر له في أخلاقها ولا ايه لأن بصراحة انا أصلا مش بحب أمشي في موضوع جواز أساسا بخاف من التوريط لكن الإتنين دول انا عارفة طباعهم كويس لكن بالنسبة للشاب اللي مش مشجعني اني عارفة ذوقة في الست اللي نفسه يتجوزها وأولها طبعا الرشاقة وخايفة أعرف صاحبتي وبعدين هية ماتعجبهوش تقوم البنت تتأزم . تفيدوني بايه خصوصا اني برضه مش حابة أحرج صاحبتي .. أفادكم الله




2 
ملكة بكبريائى

مممممممم بصى الحاجت دى مش بتستخبى عامل زى الجواز من النت
لازم الراجل يعرف وزنها وشكلها كل حاجه وهى كمان
علشان يبقى فى قبول مش سلق بيض هو

ماشى انتى تقوليله انها سمينه حبتين بس التخن مش كل حاجه االادب و الدين والاخلاق
وانها ترعاك وست بيت والكلام دا ويشوف صورتها وهى كمان
وبس تبقى فى قاعدة بقى بين الاهل بعدها وهما يتكلموا علشان يفهمو بعض بردوا


4 
dodye7sas

مش هو طالب عروسة
وريلة صورتها
قال حلوة حلوة
قال وحشة عاتى يشوف غيرها
الجواز قسمة ونصيب


5 
samasemo

بصي يا جميل ما تفتحيش صحبيتك في الموضوع الالما تكلمي صاحب جوزك عنها
بمعنى
انك تقوليله عن شخصيتها وانها محترمه ومؤدبه وبنت ناس كويسين بس هي تخينه
وان التخن مش عيب وتخليه يستخير ربنا
لو اقال انه موافق سعتها بقا تفتحي صحبيتك في الموضوع
بس ما تفتحيش صحبيتك في الموضوع قبل ما تعرفي رائ الشاب ده ايه علشان مش تحرجي صحبيتك
وربنا يوافق الجميع



Powered by vBulletin® Copyright ©2000 - 2019, Jelsoft Enterprises Ltd.
المواد المنشورة في منتدي المصطبة لا تُعبر بالضرورة عن وجهة نظر القائمين على الموقع ولكنها تعبر عن وجهة نظر كاتبها فقط.