العودة   منتديات المصطبة > الأقسام الأدبية > منتدى الحب والرومانسية

منتدى الحب والرومانسية مواضيع الحب والرومانسية وكل ما يتعلق بالحب وأنواعه وأروع ما قيل فيه من كلمات

يادي النكد !

كاتب الموضوع: احزان القلب، فى قسم: منتدى الحب والرومانسية


1 
احزان القلب

. باختصار شديد حاسة إن واحدة زيي المفروض مش تعيش أو زي ما باسمع من زميلاتي: إنتي عايشة ليه ؟ حاسة إني عندي اكتئاب وبقيت مصدر كآبة وزهق لزميلاتي،
وبصراحة باتكسف أتكلم مع أي حد حتى إخواتي، ومش بحب اشتكي .. أنا كانت مش بتفارقني الابتسامة، وخفيفة بكل المقاييس .. المهم توفيت ماما -الله يرحمها- وكانت كل حياتي منذ أربعة شهور، وبعدها اكتشفت حاجة مهمة جدا؛ وهي إني ماعنديش أي أصدقاء، ولا حتى علاقة عاطفية رغم إن عندي 22 سنة.

أنا عايشة مع بابا؛ ولكن أنا مش في دماغه أصلا، وأخواتي كلهم أكبر مني ومتجوزين، بصراحة بتكسف أحكي لحد مشكلاتي؛ وخاصة إنهم رغم أني أصغرهم إلا أنهم اعتبروني مكان ماما الله يرحمها، يعني يتصلوا هما يشتكوا من أولادهم أو مشكلاتهم الشخصية، وبالاقي إنه مش من الذوق أني أزيد حملهم.
ممكن يمر عليّ اليوم وماتكلمش كلمة واحدة، وده بعد ما موبايلي كان دايما بيرن؛ لكن دلوقتي ممكن يفصل ومش آخد بالي؛ لإن ماحدش بيطمن عليّ .. أصلا ماكانش حد بيطمن عليّ غير ماما الله يرحمها؛ لكن أخواتي بيتصلوا بيّ لما يكونوا محتاجين حاجة.. المهم كل اللي قالقني دلوقتي إني أعيش وأموت وحيدة، ومش يكون ليّ أصحاب، وطبعا خلاص فقدت الأمل إنه يكون ليّ أي علاقة عاطفية؛ لأني عارفة إني كئيبة.
أنا في آخر سنة في الجامعة، وبصراحة خلاص لولا رحمة ربنا عليّ وإني ملتزمة نوعا ما كنت انتحرت.
أنا تقريبا بقيت مابنامش باليومين، وخلاص حاسة إني قربت أتجنن؛ وخاصة إن حتى الدموع عندنا ممنوعة؛ لإن بابا مش بيحب النكد، ومش بيحب حتى إني أعبر عن مشاعر الحزن اللي جوايا، أنا باقفل حجرتي عليّ، وأفضل أبكي بالساعات …. ادعوا ليّ يا أخواتي في الله.. وآسفة إني طولت عليكم، وجزاكم الله كل الخير على مجهودكم.




2 
dodye7sas

غيرى حياتك يا قمر ولو انتى مش عندك اصدقاء
المنتدى كلة اعتبرية اصحابك
واخواتك وكل حاجة
واحكى كل الى انتى عايزة تحكى
محدش هيمنعك
كلنا هنا عشان نعرف اصحاب
ولو عايزة تتكلمى معايا تعالى وانا هسمك يا قمر


3 
غــنـــــوه حزيــــــــنه

مش هقدر اقولك حاجه لآن نفس مشكلتك هى مشكلتى بس عارفه لما تفقدى نصك التانى بعد الشر
هتحسى بغربه برضوا عارفه مين هو ابوكى . أحمدى ربك . على كده خليكى مع الله
صدقينى انا مجربه .


4 
ملكة بكبريائى

معلش ياحبيبتى لكل بيت مشكله وكل واحد بيبقى عندة مشاكل فى حياته يخليه حزين
انتى غيرى حياتى وخلى ليكى اصحاب وفرفشى وحاولى تضحكى وتنسى اى حاجه تدايقك
واحنا هنا اخواتك ياقمر واصحابك لو احتجتى حاجه وابدئى حياة تانيه عاطفيا كمان
وحبى واتحبى وعيشى لان الحياة مش هتقف على فقدان حد عزيز علينا نعمه النسيان ربنا عطهلنا علشان ننسى بيها اى الام او اى جراح
او فقدان المقرين لينا



Powered by vBulletin® Copyright ©2000 - 2019, Jelsoft Enterprises Ltd.
المواد المنشورة في منتدي المصطبة لا تُعبر بالضرورة عن وجهة نظر القائمين على الموقع ولكنها تعبر عن وجهة نظر كاتبها فقط.