العودة   منتديات المصطبة > الأقسام الأدبية > منتدى الحب والرومانسية

منتدى الحب والرومانسية مواضيع الحب والرومانسية وكل ما يتعلق بالحب وأنواعه وأروع ما قيل فيه من كلمات

حظك فى الحب

كاتب الموضوع: dodye7sas، فى قسم: منتدى الحب والرومانسية


1 
dodye7sas

انهاردة هناقش موضوع غريب شواية
وهو الحظ فى الحب
تعالوا نفضفض شوايا مع بعض يلا نبدا
بنسمع كتير اوى حد بيقول ماليش حظ فى الحب
او ليا حظ فى كل حاجة ما عدا الحب ....... ماليش حظ فية
طب يا ترى يعنى اية الحظ فى الحب ؟
احيانا بتحب حد اوووى فترة معينة من حياتك والحب دة قد يكون مسببلك عذاب جامد
جدا وتتنازل كتير من كرامتك ..... ولما تنتهى هذة القصة وتسيبوا بعض
تكتشف انك كنت بتحبة على الرغم انة مفيهوش صفات كتير اوووى كنت بتحلم بيها
فى فتاة او فتاة احلامك قبل لما تقابلة
وتبدا تسال نفسك .... ازاى جريت ورا الحب كدا؟ ولية عملت كدا فى نفسى ؟
هو انا حظى وحش اوووى كدا فى الحب لدرجة انى احب بجد كدا من غير تفكير
وفى الاخر اكون انا الى خسرا ن ؟؟؟
وتلاقى اكتر من حد بيحبك اووى وعلى الرغم انهم ناس كويسين جدااااا
ويمكن يكون فى منهم مقارب جدا لصورة فتاة او فتى احلامك
الا انا لاسف قلبك مدقش لحد فيهم
يا ترى دا كمان حظ ؟؟؟
اما بقى من امور كتير غريبة
وقد تكن اكترها غربا فعلا


انك تبقى ماشى مش فى دماغك اى حاجة
انك تشوف ملاك مشفتش زية قبل كدا
وتلاقى نفسك بتبادل النظرات معاة
وتحس انة عندة نفس الاحساس الى عندك
وهو انك لقيت الملاك اخيرا الى حلمت بية
لكن مفضلش غير كام ساعة ومتقدرش تتكلم معاة وبعدها ممكن متشفهوش تانى طول حياتك
تفتكر دى اشارة عشان تصبر وانك اكيد هتلاقى حد ملاك زى الى شفتة
او الى زمان حلمت بية
ولا بردو ملكش حظ فى الحب
والسؤال
هل فعلا فى حاجة اسمها حظ ودة بيحدد بنسبة كبيرة ارتباطك بالى هيكون شريك حياتك ؟؟؟؟
ولا الموضوع كلة نصيب وقدر ؟؟؟؟
ولا فيها حاجة اسمها قدر
طب يا ترى حظك هينفع فى الى فى بالك والى يا ما حلمت بية ؟؟؟
ولا حظ هينفع فى حد تانىوخلاص وتبقى صدمة كبيرة ليك ؟؟؟
ولا هتتجوز اى جوازة وخلاص ولا جواز تقليدى
وتكتشف بعد كدا انك ملكش حظ فى الحب
وتضطر تعيش حياة زوجية زوجية دون اى اعتبار بقى
لمعانى الحب والرومنسية او لظلم الشريك الى معاك
والى فاهم انك مش بتحبة او مش فاهم دى
ولا ... العمر هيعدى بسرعة وتلاقى نفسك على نهاية المطاف
ولسة بتقول ماليش حظ فى الحب
يا ترى تعمل اية ؟؟؟
وازاى تقدر تتغلب على الفكرة دى بجد ومتستسلمش لفكرة الحظ فى الحب ؟؟؟
او بمعنى تانى
او ازاى تقدر تحب بجد ويكون حب كامل غير قابل للفشل
خاصة ان جرح القلب صعب اووووووى؟؟؟؟
والاصعب انك تكمل حياتك مع حد مش بتحبة ولا تايقة
يا ترا من وجهة نظرك اية هيا المعابيير التى يمكن تحطها لنفسك عشان تختار صح؟؟
ولا احنا اتعودنا نخوض تجارب عشان نتعلم
ومع انتهاء التجارب بتكون ماتت جوانا حجات ومعانى جميلة اووووووووووووى؟؟؟
يارب مكنتش تقلت عليكم
ومستنية ردودكم يارب الموضوع يعجبكوا





Powered by vBulletin® Copyright ©2000 - 2019, Jelsoft Enterprises Ltd.
المواد المنشورة في منتدي المصطبة لا تُعبر بالضرورة عن وجهة نظر القائمين على الموقع ولكنها تعبر عن وجهة نظر كاتبها فقط.