العودة   منتديات المصطبة > الأقسام الأدبية > منتدى الشعر والخواطر

منتدى الشعر والخواطر للأشعار والخواطر المكتوبة "للحـَرفِ توهّـجْ.. مـَراياَ للصـُدورْ تـُرجُمـَان للمشاعـِر"


1 
ShroO2

رؤية في فيلم - متجدد بقلمي 15764_01246229664.gif

حكايات الافلام
عربي
اجنبي
كل فيلم ليه قصة بني ادم فينا

بتحكي عننا
عن حياتنا
عن الي جوانا

عن مشاكلنا
عن ازماتنا
عن احلامنا

بطريقة مختلفة احيانا واضحة
واحيانا معتمة

في كل فيلم رؤية

هحاول اجمع هنا في التوبيك

بعض من رؤياي الخاصة المرتبطة بالافلام

تابعوني

رؤية في فيلم - متجدد بقلمي smile.gif

-

ملاحظة

متاح للجميع




2 
ShroO2

رؤية في فيلم The Holiday







فيلمي الاول The Holiday

يضم الفيلم كوكبة جميلة من الممثلين متمثلة ببطلة التيتانيك كيت وينسلت , وتشاركها البطولة كاميرون دياز بجانب النجمين المتالقيين جود لو , جاك بلاك

قصة الفيلم تدور حول بنتين تمر كل واحدة فيهم بازمة عاطفية ويقررو تبادل الاماكن والبيوت وكل شيء لمدة معينة للتخلص من الضغوط الي بيمرو بيها ويعيدو ترتيب اوراقهم مرة تانية

الفيلم رومنسي وفيه كومديا غير متكلفة ...

الفيلم دا فكرني بحاجة مهمة اوي لما بنتعرض لضغط من عمل او حب او حتى مسؤلية وعايزين ناخد اجازة مبنعرف نبعد
الناس مش بتسيبك في حالك لا اهلك هيسبوك ولا حتى الي حواليك ممكن يسيبوك

الفيلم بيورينا قد ايه صعب تغير نفسك وانت في مكانك مبتحركش ساكن وقد ايه ممكن يشكل وضعك النفسي ازمة عليك

محتاج لتجديد ومحتاج الى نور تاني يطلع في ظلمتك



موسيقى الفيلم هادية لدرجة ان الشتا الي جوا الفيلم بيتحول لدفى وانت بتتفرج
رومنسيتو وحتى الحوار الي بين الشخصيات متانق وهادي

كل الي في الفيلم بيمر بازمة عاطفية بطريقة مختلفة
في ازمة الاستغلال العاطفي والمصلحة
وعرض ازمة الخيانة
وازمة الاستغفال
وازمة الوحدة
وجميعها ازمات بتمر باي حد فينا بس اتعالجت بطريقة هادية ومفيهاش استعجال ع الروح انها تبدا صفحة جديدة بشكل افضل

مرور زمني ووقتي باحداث ممكن تاخد وقتها بس ساعة الازمة مبتخدش الوقت الي ممكن يسيطر ع حياتك وينهي متعتك الي ممكن متحسهاش وتضيع منك فرصة ممكن متتكررش

القدر هنا بيلعب دور انك تقابل ناس تشاركك ازمتك وتشاركك في الخروج منها باقل الخسائر وانك تشوف بوضوح مشكلتك بعيون الغير

حاجة كمان لفت نظري ليها الفيلم وهي

رجل كبير معزول عن العالم استسلم لوضع حالي اتفرض عليه كان متالق وواخد وضع في المجتمع الفني والاجتماعي
وتظهر في حياتو بالصدفة جارة شابه تغير الروتين ليقدم نفسو للعالم مرة اخرى بشيء بسيط من العمل

اجمل حاجة شفتها العلاقة الي ربطت الشخصيات ببعضها ووجهتنا باتجاه ايجابي وان لا ياس مع القدر
وان لكل شيء ميعاد
بس ادي لنفسك الفرصة ومهما غيرت مكان او بدلت حياة
الي مكتوبلك هيكون ليك في اي حتة كنت فيها
وهلفت نظركم ليء حبيتو اوي
بيت روز الي في ضواحي لندن


-

رؤية



Powered by vBulletin® Copyright ©2000 - 2019, Jelsoft Enterprises Ltd.
المواد المنشورة في منتدي المصطبة لا تُعبر بالضرورة عن وجهة نظر القائمين على الموقع ولكنها تعبر عن وجهة نظر كاتبها فقط.