العودة   منتديات المصطبة > الأقسام العامة > منتدى النقاش الجاد

منتدى النقاش الجاد ناقش معنا بهدوء وبدون تعصب أشهر وأهم القضايا والمواضيع التى تشغل الجميع

هل هي موضة العصر؟!

كاتب الموضوع: cαяαмєℓ، فى قسم: منتدى النقاش الجاد


1 
cαяαмєℓ

هل هي موضة العصر؟

أمست ظاهرة الطلاق في زمننا كشرب الماء. من ينزعج ، يغضب أو يمل يقدم على الطلاق مع مراعاة أنهم تزوجوا بالطريقة العصرية وهي تعارف الزوجين قبل أو بعد الخطبة أو كما يسمى "زواج عن حب"

شخصيا أعرف سبعة أشخاص, منهم من يسكنون في حينا, ومنهم من تربطني بهم صلة قرابة و زمالة. تطلقوا هذا العام ولم تستغرق مدة زواجهم سوى بضعة اشهر , أي اقل من عام ..

فلنرجع قليلا إلى الوراء .. كيف تزوج آباؤنا و أجدادنا ؟؟ وكيف أن الخطبة التقليدية جد ناجحة ؟؟ حيث أن المرأة تخطب لابنها أو أخوها و قد لا يكون هناك أي معرفة سابقة بين الزوجين حتى في فترة الخطوبة ,حيث تروي لي جدتي أنها لم ترى جدي إلا ليلة الزفاف وكانا اسعد زوجين بعدها .

كانوا قديما لا يعرفون ما معنى التعارف أصلا و كانت كل زواجاتهم ناجحة تفرقهم الموت فقط.

يبقى التساؤل مطروح :

- ما هي الأسباب الوجيهة التي جعلتهم يقدمون على الانفصال ؟

- هل كان تعارفهم قبل الخطبة سببا في انفصالهم؟

- لماذا يتحول الحب الذي يجعلهما يتزوجان ، ينفصلان؟ أهو معرفتهم القوية ببعض؟

أرجو أن تفيدوني بآرائكم




2 
حبيبت مامي

اكيد معرفش
بس تسلم ايديكي علي التوبك


3 
S α ү з D

اقتباس:

بدايتاً مش كل الخطبات التقليدية بتنجح
انا واحد من الناس خطبت مره خطوبه تقليدية جداً ومنجحتش

يعنى نسبة النجاح نعتبرها متساوية مع نفسة الفشل
مش هنقول كفة ارجح من التانيه


- ما هي الأسباب الوجيهة التي جعلتهم يقدمون على الانفصال ؟

الاسباب كتيره
ممكن مكانوش حاسين بالمسئولية وقت ما كانوا بيحبوا بعض
كانوا بيتكلموا ويهزروا ويضحكوا وكانوا ناسيين مسئولية بيت واسره ومتطلبات
الراجل له طلباته والبنت ليها طلباتها
ممكن مش قادرين يستوعبوا دى بعد الجواز
برغم انهم ممكن واكيد قبل الجواز بيتمنوا يكونوا سوا

وممكن حصل تطاول بالكلام
وممكن مفيش تفاهم
وممكن خناقات كتير
وممكن الاهل ليهم دور كبير
هيا مش مرتاحه مع اهله
هو زهقان من انها كل شويه تروح لأهلها
تعمدوا يضايقوا بعض بيدوروا ÷ اللى يخنق التانى ويعملوه
الاسباب كتير اوى وحصرها مش هنعرف نحصره
بس دى بعض الاسباب

- هل كان تعارفهم قبل الخطبة سببا في انفصالهم؟

ازاى يعنى !!
ماهو لازم هيعرفوا بعض
امال هيتجوزوا جواز صعايده ميشوفهاش غير بعد العيل السابع
لازم هيشوفها ويعرفها
حتى لو تقليدى زى ما بيحصل
الولد بيشوف البنت والاهالى بشوفوا بعض
ولو × وفاق يبقى اهلا وسهلا مفيش يبقى ربنا يكرم بحاجه تانيه

- لماذا يتحول الحب الذي يجعلهما يتزوجان ، ينفصلان؟ أهو معرفتهم القوية ببعض؟

برضه استغراب مع علامة استفهام ÷ السؤال كـ كل
المفروض احنا نعرف بعض يبقى عارفين اللى يفرحنا واللى يضايقنا
مش عارفين بعض يبقى روحى لحالك يابنت الناس
دلوقتى اننا نعرف حد بتبقى قليله
واننا نحبه ونتمسك بيه بقت مش كتيره

الاسباب انا حصرت جزء منها


شكراً ÷ الموضوع يا سكره
وربنا يوفق الجميع وميجيبش طلاق ولا ضرب


4 
ملكة بكبريائى

بصى هى ظاهرة فعلا بقت منتشرة جداااااااا وحاجه سئيه طبعا
ومرسى لطرحك الموضوع ياقمر
وانا هجاوبك على اسئلتك اهو

هي الأسباب الوجيهة التي جعلتهم يقدمون على الانفصال ؟
بصى الاسباب كثيرة
منها مفيش تفاهم بين الاثنين مع ان الاثنين واخدين بعض عن حب
وسعات الملل بيسطر
وسعات الخيانه يبقى ليها دور
وسعات احد عيوب الاخر بيتأثر على الحياة
حاجات كثيرة جداااااااا

- هل كان تعارفهم قبل الخطبة سببا في انفصالهم؟

مممممم مش سبب انا مش برجحه اوى ان البنت تمشى مع ولد 5 سنين مثلا
\انا اعرف حد قريبى حب واحدة 5 سنين والله او اكثر واتخطبوا
وبعد الخطوبه مفيش كام شهر وفسخو
بصى مش صالونات ومش حب بزيادة لدرجه يرخص البنت
يعنى يعرفوا بعض ياريت ويحبو بعض اوك
ويجى يتقدملها بس لكن تليفونات بقى وجو ومقابلات
دى حاجه بصراحه وحشششششه ومحرمه

- لماذا يتحول الحب الذي يجعلهما يتزوجان ، ينفصلان؟ أهو معرفتهم القوية ببعض؟
اة دا عامل كبير كنت هقلهولك

انهم عارفين كل حاجه عن بعض بزيادة
بصى مصارين البطن بتتخانق
ودول حبوا بعض يعنى بقوا شخص واحد
وفى الخطوبه بتلاقيهم كدا بردوا
تيجى الجواز بيتضح كل شى الى كذب وظهر ليه عيب وحش
او الى طلعو كانو مراهقين وحبوا بعض وعاشو القصه ولو ان فى مسئوله منفعوش
بس هو عامل كبير زى ما بتقولى بسبب معرفتهم لبعض
لان الى مش بيعرفوا بعض بيبقوا باقين على العشرة
وابن حلال وطيب ومش عارفه ايه
لكن عن حب تختلف




Powered by vBulletin® Copyright ©2000 - 2019, Jelsoft Enterprises Ltd.
المواد المنشورة في منتدي المصطبة لا تُعبر بالضرورة عن وجهة نظر القائمين على الموقع ولكنها تعبر عن وجهة نظر كاتبها فقط.