العودة   منتديات المصطبة > الأقسام الإخبارية > أخبار مصر Egypt News

أخبار مصر Egypt News آخر اخبار مصر اليوم على مدار 24 ساعة، اخبار عاجلة من الصحف والجرائد المصرية


1 
5Lik Fe 7aLk

Kill Diabetes

وتستمر المهازل حتى فى المساجد: المصلون يمنعون إمام مسجد بقنا من استكمال الخطبة لدعوته بتأييد مرسى s620121192041.jpg
محمد مرسى

سيطرت حالة من الاستياء والغضب على المصلين بمسجد "آل عمران" بقرية الرئيسية التابعة لمركز نجع حمادى بعد قيام إمام المسجد بالدعوة الصريحة لانتخاب الدكتور محمد مرسى رئيسا للجمهورية، كما قام بسب نواب مجلس الشعب والشورى عن الدائرة وعدد من كبار ورموز العائلات بمركز نجع حمادى الذين يدعمون الفريق أحمد شفيق، وعلى إثر ذلك قام المصلون بإنزاله من أعلى المنبر ومنعه من استكمال الخطبة.

وقال عدد من المصلين لـ"اليوم السابع"، إن إمام المسجد كاد أن يتسبب فى فتنة بين القبائل والعائلات، بعد أن قام بالتعدى بالألفاظ على عدد من كبار ورؤوس ورموز العائلات بنجع حمادى.

وأشار المصلين إلى أن منبر المسجد ليس مكانا لتصفية الحسابات وتوجيه الناس سياسيا، ولكنه مكانا لجمع ولم شمل المسلمين ونشر روح التسامح فيما بينهم.

وعلى جانب آخر تسبب ارتفاع درجة الحرارة الشديد بمحافظة قنا إلى عدم خروج العديد من الائتلافات والقوى السياسية للمشاركة فى جمعة "الإصرار" اليوم الجمعة، فيما أعلنت بعض القوى المشاركة فى المليونية مساء، ومنها الجماعة السلامية والإخوان المسلمين والتيارات الإسلامية وبعض الائتلافات والقوى السياسية.



2 
أحبُكَ ربى

زى اللى حصل عندنا بردو بس للاسف الشيخ عندنا لم يدعو اليه صراحة

جزى الله مشايخنا عنا خير الجزاء


4 
أحبُكَ ربى

يالا عايز اسمع احلى حسبى الله ونعم الوكيل منك بقى

مسجد ربنا محطوطة عليه صورة شفيق ها ايه رايك عايز اشوف ثبات المواقف




وده شيخ الازهر الذى ليس له منه غير الاسم فقط

واخد المرشح مسجد ربنا ها هنثبت فى مواقفنا واسمع حسبى الله ونعم الوكيل ولا !!



مش عارف ليه مبسمعكش تتكلم عن استغلال شفيق للدين خالص

رغم انه بيلعب على الحتة دى اوووووووووووى بس طبعا المواقف مش ثابتة


5 
5Lik Fe 7aLk

عيبك انتك بتنسى يا محمد

ياصحبى راجع ردودى فى الموضوع الى فات هتلاقى انى بقول اى شيخ يرشح اى واحد من فوق المنبر بتاع المسجد او من قناه دينيه حسبى الله ونعم الوكيل مقولتش بقى ولا مرسى ولا شفيق

انا بقول اى واحد بيستغل الدين فى المساجد والقنوات الدينيه دا مش كويس

شيخ الازهر بشر ومصرى زينا واستضافه فى بلده اظن دا يوافق كلامى انى بقول من حق اى واحد شيخ قس واحد عادى يرشح الى عايزه ويدعيله من غير مايكون جوا جامع او فى قناه دينيه واظن شيخ الازهر عادى بدل هو استضافه فى بلده بعيدا عن المساجد ولا وقف فوق المنبر وقال للناس انتخبوا شفيق ويا شفيق يا بلاش زى ما التانين بيعملوا ولو ثبت انه عمل كدا انا اول واحد هنتقده بش اشك انه يعمل كدا لانه شيخ الازهر الشريف وهو اكتر واحد فاهم معنى عدم استغلال الدين

ولا وقف بقى فى الازهر ولا عمل مؤتمر فى الازهر قال انتخبوا شفيق لانه هو الى قال ممنوع استخدام المنابر فى الدعايه لاى مرشح

اخر حاجه بلاش يا محمد تصر ان كلامى موجهه ضد مرسى لان انا كلامى على اى حد شفيق مرسى بطيخ عبده اى حد

واحب اقولك تانى متخفش مواقفى ثابته والحمدلله عندى رد لكل حاجه والحمدلله مش هتلاقى تغير فى شخصيتى ارضاء لحد لان انا بتكلم من جوايا ومبعملش ان اكون مع الناس ولا ضدهم

انا مع ضميرى وبس



Powered by vBulletin® Copyright ©2000 - 2019, Jelsoft Enterprises Ltd.
المواد المنشورة في منتدي المصطبة لا تُعبر بالضرورة عن وجهة نظر القائمين على الموقع ولكنها تعبر عن وجهة نظر كاتبها فقط.