العودة   منتديات المصطبة > الأقسام الترفيهية > المهيسون فى الأرض

المهيسون فى الأرض إفتكاسات وتهييس "بدون زعل"، شوية فرفشة على شوية نكت على مقالب مضحكة

مكالمة فى منتهى الرومنسية

كاتب الموضوع: dodye7sas، فى قسم: المهيسون فى الأرض


1 
dodye7sas

احمد: هاى .. ممكن نتعرف
منى : ولية لا
احمد: مين معايا ؟
منى : الاميرة المتمردة
احمد: لا والله ؟
منى : والنيعمة
احمد : اهلا بالاميرة المتشردة قصدى المتمردة
منى بقرف : اية العسل دا يا واد .. اسمك اية ياض
احمد : الفارس المجروح
منى : لاالف سلامة ... ودا بيرسول ولا شبشب ؟
احمد :لا توكتك ... بس شبهك تمام
منى : وانت عرفت منين شكلى يا عم الدبدوب
احمد ضاحكا : من الصورة الى انتى حطاها طبعا
منى بخجل : دى صورة الصابوة بتاعى
احمد : الخالق الناطق
منى: بقولك اية.. بلاش طولة لسان .. وتلاقيح الجتت دى .. وفكك منى وروح
شوفلك حتة ناشفة اعد فيها
احمد :بشوفك .. انا كمان هروح اشوف لى محل احذية تانى
منى: سلام
احمد: سلام
فترة من الصمت
منى : انت كام سنة ؟
احمد اكبر منك بسنتين


منى : يل ليلة ملزقة ... يا عم انجز
احمد: خمسة وعشرين وربع
منى : اية الربع دا ؟؟؟
احمد: اصل انا امى ولدتنى فى شوال بس كان ابويا مسافر الخليج
وعمتى كانت بتقول
منى :خلاص يا بابا ... انتى هتحكيلى قصة حياتك
احمد: وانتى كام سنة ؟؟
منى: اصغر منك بسنتين
احمد :يا صباح التبانة المعجونة رخامة
منى :انت مش هتبطل طولة لسان
احمد :بقولك اية مش ناقص دوشة .. سلام
منى : سلام
فترة من الصمت
احمد: وانتى ساكنة فين
منى: المهندسين
احمد:ياة دا احنا جيران اوى .. فين فى المهندسين
منى: وانت مالك فى المهندسين وخلاص.. انت هتيجى تكلم بابا ؟
احمد: صباح التدبيس ...شكلك ساكنة فى ارض اللوا
منى:ادا عرفت منين ؟ قصدى فين ارض اللوا دى ؟
احمد: ها .... وانتى بتدرسى ولا صايعة
منى: مخلصة اداب
احمد:وعلى كدا بتعرفى تقرى
منى:طبعا .... وبفهم لغة الحمير كمان
احمد: بشوقك شكلك مش هتعمرى مع ماسنجرى
منى:المكان بقى كلة جاز
احمد: الله يسامحك... سلام
منى:سلام
فترة من الصمت
منى : والى فى الصورة ابو عضلات دا يبقى انت ؟
احمد: اة .... بس العضلات فوتو شوب
منى:وانت مين الى عملك العضلات دى فى الفوتو شوب ؟
احمد:بفخر انا طبعا
منى: وانت دارس فوتو شوب فى مقلب زبالة
احمد:هتمثلى بقى.... الصورة اصلا دخلت عليكى ما تنكريش
منى:بصراحة دخلت عليا ...اول ما شوفتها افتكرتها معمولة ببرنامج الرسام بتاع الويندوز..متخيلتش انها فوتوشوب خالص
احمد:وعلى فكرة انا لاعب فيها بالفوتوشوب عشان اصغر عضلاتى شوية
عشان البنات بتنهار
منى:طب حاسب يا عم المبنى انهيار
احمد:سلام
منى : سلام
بعد فترة من الصمت
احمد: ممكن اشوف صورتك
منى:اوك هحطها بس هشيلها على طول..عشان البقر عندى كلهم اون لاين
احمد:طب متعملى للبقلر اوفلاين عشان تبقى نختلفة عنهم
منى :مش فاهمة ؟ بس شكلك بتشتم
احمد: لا يا حبيبى اوعى تقولى كدا اخص عليكى تصدقى زعلت
منى:قشطة عليك.. انا كدا كدا هوريك صورتى وهمسحك بعدها
احمد: موافق
منى تضع صورتها لبضع ثوانى ثم تخفيها
احمد:انتى مرتبطة
منى:لا ومش عايزة يا عم الفرس
احمد:ولا انا .. تصدقى بدات دماغك تعجبنى
ايوا كدا بلا ارتباط بلا وجع قلب
منى:شكلك كدا واخد تسعين قفا على سهوة
احمد:ما عاشت ولا كانت...انا بس بحب عيشة الحرية
منى :قشطة عليك تعجبنى
احمد:طب حيث انك ساكنة عندفى بولاق الدكررى
اكيد بتعدى على الجيزة ما تيجى نتقابل
منى:لا ... ما بنزلش الجيزة...بعدى على انور السادات
احمد:انور؟؟ حبيبى... دا انا راشق هناك ليل نهار
منى:خلاص قشطات
احمد:بكرة الساعة 5 نتقابل اتجاة حلوان
منى:البس حاجة مميزة عشان اعرفك
احمد:لا هحطلك جزمة جرجير فى جيب القميص
منى:لا دى تحطها فى طبق السلطة..لا انا اكيد هعرفك لان الى فى المحطة شكلهم محترم
احمدلم يفهم؟ ربنا يخليكى يا موزة
منى:اشوفك على خير
احمد:اشوفك قدام عربية السيدات
منى:سلام
احمد سلام
اية رايكوا كلام فى منتهى الرومنسية






2 
تقى القلوب

هههههههههههههههههههههههههه
حلوة قوى تسلمى
بس دى ياموزة تتحط فى المهيسين مش هنا


4 
aldrwesh

ده كلام يعنى فيه بعض الرومانسية لكن فيه شوبة سخرية بس مقبولة



Powered by vBulletin® Copyright ©2000 - 2019, Jelsoft Enterprises Ltd.
المواد المنشورة في منتدي المصطبة لا تُعبر بالضرورة عن وجهة نظر القائمين على الموقع ولكنها تعبر عن وجهة نظر كاتبها فقط.