العودة   منتديات المصطبة > الأقسام العامة > منتدى المواضيع العامة

منتدى المواضيع العامة أهم المواضيع والقضايا العامة التى تشغل الرأى وتهدف إلى نشر الفائدة للجميع

أدينى هيافة........أحبك يافننس....

كاتب الموضوع: ♪♪♥Wh!te Angel♪♪♥، فى قسم: منتدى المواضيع العامة


1 
♪♪♥Wh!te Angel♪♪♥

أدينى هيافة........أحبك يافننس.... 90dfcf81c6.gif


أدينى هيافة........أحبك يافننس.... 0b953f463c.gif







طبعا العنوان غريب حبيتين بس الاول صباح الخير ومسا الخير على احلى ناااس

ياريت واحد نسكافيه وصلحة هعشان هنتكلم فى موضوع بيخصنا نحن البشريه المصريه


بالنسبة للهيافه اللى احنا فيها ..... !!!!

او الهيافه اللى مش بناخد بالنا اننا بنجرى وراها




أدينى هيافة........أحبك يافننس.... aa538c4b29.gif


أما شفت امبارح حته فيلم جامد مووت ملوش قصة بس ضحكنى اوى سمعت أغنية نوسه ؟

اسكت امبارح حرقت دم الواد احمد فى البلاى ستيشن


اسكتى امبارح الواد احمد زميلنا ضيقته زى ماضيقنى انا خلاص هعمله اختبار اعرفه مقامه ......... استلم وعدك يااحمد

مفيش فيلم جديد ولا اغنيه جديده ولا اى لعبه عندك جديده

ماتنزلى ياعم اسطوانه كده بالجديد

الموقف ده شوفته بعينى الراجل مدوخ نفسه وجايب الهارد عشان مجموعه افلام والعاب والله بيتعب عمممممممممار يامصر.... ؟

أدينى هيافة........أحبك يافننس.... aa538c4b29.gif

إدينى فى الهايف وأنا أحبك يا فننس ... !!!


فاكرين الجمله دى ؟ ... لما قالها محمود عبد العزيز فى فيلم الكيف ، واللى المفروض كان حشاش ومهنته مطرب هابط .

بس اظاهر انها بقت مبدأ عند كتير من فنانينا الأجلاء أصحاب روائع

" العنب والبلح والباذنجان " أطلال ايه ورق الحبيب أيه ؟!

ييجوا ايه جمب قوم اقف وانت بتكلمنى وبوس الواوا ؟ هيفااااااء

وييجى واحد زى يوسف شاهين يعمل أفلام مالهاش معنى زى " المهاجر والمصير "

هى الناس ناقصه ؟ !!

يروح يتعلم من الاستاذ محمد سعد وروائعه اللمبى وكركر واللمبى

للاسف أصبحت التفاهه هى اقرب طرق النجاح والوصول للناس

وأصبح للغناء مبدأ واحد " اللى يتمسخر اكتر هيتشاف اكتر " والإسفاف فى الافلام علامة مسجله .

وكميه الاغانى الشعبيه اللى بتخرج فعلا عن السياق اللى تشمئز انك بتسمعه

مثال خد عندك انا شارب سيجاره بنى ......تخيل بقا اخوك الصغير بيغنى الاغنيه دى
دى ليله فل الصلاة على النبى


ولا يسمع اغنيه اركب الحنطور ........ولايسمع الست روبى يكل مااقوله اه يقولى هو لالالا



أدينى هيافة........أحبك يافننس.... image421.gif




الجمهور عايز كده !!


والحجة الاساسية فى كل ده ( الجمهور عايز كده ) ..
هل فعلا الجمهور عايز كده ؟




الجمهور اللى قابلته واللى دايما بيعلقوا عليه اسفافهم قال إنه بيدخل الافلام دى مضطر لأنه
مفيش غيرها ، لأ الجمهور مش عايز كده الجمهور عايز حاجه يأمن على أولاده
وهم بيشاهدونها ..

وتذكرت كلمة أم : إن نوعية الافلام زى اللى بيقدمها احمد حلمى بتريحها مش طول الوقت تفضل قلقانه على طفلتها من أى مشهد أو لفظ جارح .وغيره كتييير اوى ...

أدينى هيافة........أحبك يافننس.... image421.gif


قال ايه سياق درامى ؟ !


وبالنسبه للمشاهد والالفاظ الاباحية زهقنا من جملة الاطار الدرامى عايز كده ،
والمخرج عايز كده والاضاءه عايزه كده .......كمان شويه البواب عايز كده



ولا نعرف ما هى الدراما فى جملة زى ( الصراحه راحه يا حاحا وأنت مبتعرفش ) فى فيلم زى حاحا وتفاحه !! طبعا غنى عن التعريف فيلم هادف لقضيه تخرج منه بهدف قدام عينك وغيرررررررررررره

أما قنوات الاغانى فحدث ولا حرج فعلا أصحاب القنوات دى محتاجين يحطوا النقط على الحروف
ويحطوا ملابس أكتر على أجساد مطرباتهم وموديلز الاغانى .

أدينى هيافة........أحبك يافننس.... image421.gif


ويأتينا سؤال لماذا لا ينجح كل ما هو هادف ويحاول الارتقاء بفكر الناس ؟ ..

سؤال تانى ........ليه الناس بقيت تجرى وراء الهيافه.....عشان مفيش غيرها معتقدش ........؟؟

شايفين ان فيه حل يرضى نظره عينك بدل ماهى قاعده فى الراحه والجايه وجوا وبرا تاخد سيئات على ودنه ...............؟؟

تفتكر ان موضوع هيتطور للاسوء خلال الايام الجايه .....طيب وولادنا واخواتنا الصغار هيبقوا على كده عينيهم مفتحه ...........؟؟


الاستسهال ومبدأ إدينى فى الهايف وأنا أحبك يا فننس !

منتظره مناقشتكم يمكن نخرج باستفاده ومبدا ميتغيرش



أدينى هيافة........أحبك يافننس.... 8041b184da.gif



أدينى هيافة........أحبك يافننس.... cc199d5d03.gif




3 
5ofo

اظن الشباب ورا الافلام اللى هيا فيها الفاظ مش تمام ومناظر مش تمام


انا ليا ناس اعرفهم يقولوا احنا داخلين الفيلم ده علشان اللقطة ديه

والاغانى الشعبى ديه لما بسمع حد مشغلها والله ببقى عايز اعمل اى حاجة ومسمعش بتجيبلى العاية


والاغانى معظم الهايف بيبقى للبنات والفيديو كليب بيعتمدوا بقى على المناظر ومش عارف ايه علشان الاغنية تتشاف



فكرتينى بحكاية الهانس فى الدانس عملوا مواضيع كتيرة عليها هنا فى المنتدى


4 
♪♪♥Wh!te Angel♪♪♥

اقتباس: المشاركة الأصلية كتبت بواسطة عضة اسد ولا نظرة حسد  مشاهدة المشاركة
تسلمى يا وايت انجل على الطرح الجميل ده وبجد تسلم الايادى ودايما فى تميز وابداع


مرسى يا غضة على مرورك بجد


5 
♪♪♥Wh!te Angel♪♪♥

اقتباس: المشاركة الأصلية كتبت بواسطة ghost buster  مشاهدة المشاركة
اظن الشباب ورا الافلام اللى هيا فيها الفاظ مش تمام ومناظر مش تمام


انا ليا ناس اعرفهم يقولوا احنا داخلين الفيلم ده علشان اللقطة ديه

والاغانى الشعبى ديه لما بسمع حد مشغلها والله ببقى عايز اعمل اى حاجة ومسمعش بتجيبلى العاية


والاغانى معظم الهايف بيبقى للبنات والفيديو كليب بيعتمدوا بقى على المناظر ومش عارف ايه علشان الاغنية تتشاف



فكرتينى بحكاية الهانس فى الدانس عملوا مواضيع كتيرة عليها هنا فى المنتدى

الهانس فى الدنس ياخربيت دة فيلم

معف معفن فعلا بتنرفز لو سمعت حتى التيتر بتاعة

مرسى على المرور



Powered by vBulletin® Copyright ©2000 - 2019, Jelsoft Enterprises Ltd.
المواد المنشورة في منتدي المصطبة لا تُعبر بالضرورة عن وجهة نظر القائمين على الموقع ولكنها تعبر عن وجهة نظر كاتبها فقط.