العودة   منتديات المصطبة > الأقسام العامة > منتدى النقاش الجاد

منتدى النقاش الجاد ناقش معنا بهدوء وبدون تعصب أشهر وأهم القضايا والمواضيع التى تشغل الجميع

لف و أرجع تاني

كاتب الموضوع: Princess Freedom، فى قسم: منتدى النقاش الجاد


1 
Princess Freedom

طبعاً العنوان غريب بس هو واقع أحنا عايشينه

النظام اللي سقط و بيعيد السنة مفكر نفسه ليه ملحق و بيجرب حظه

ايه رأيكم في حكاية حل البرلمان و انتقال السلطة التشريعية للمجلس السمكري

وطبعاً ده أكبر دليل أن مرسي لو نجح هيتقرطس و يا مولاي كما خلقتني

والله يرحمك يا ثورة وتوتة توتة خلصت الحدوتة

طبعاً الوضع حالياً محير جداً انه يعرفك أيه الصح و إيه الغلط

وفيه شئ من إنعدام القدرة علي أتخاذ قرار بالمقاطعة او الانتخاب

شاركونا الرأي


لف و أرجع تاني s16.gifلف و أرجع تاني s16.gif




2 
ملكة بكبريائى

هو فعلا للاسف محير الى حد ما
بس اكيد ننزل ننتخب ومش نسمح للفلول انهم يخشوا تانى ابدا احنا خرجنا مبارك مش عايزين انيل منه
فاكيد كلنا نرشح مرسى وربنا يوفقه يارب
يمكن يصلح احوالها على الاقل هو احسن الوحشين


4 
♥ Only U ♥

هوا الجيش لعبها حلو اوي
قالك نعملهم انتخابات نزيهه
ويعيشوا جو الثوره وانهم انتصروا وكل حاجه زي الفل
ومن ورا بقي هدلك كل حاجه
يعني فسريلي موقفهم انهم يقدروا يسيطروا ع الانتخابات ويخلوها متأأمنه كويس
ومنين سايبين الناس بتولع في بعض في الميادين والبلطجيه بقت في كل حته
تفسري ايه ده !!!!!!!!!!! انهم هما اللي عملينها
اشمعني دلوقتي في ازمه وقود ؟؟؟؟؟؟؟؟؟؟ متقوليليش انهم ملهمش زنب فيها واقتصاد البلد
لا اقتصاد البلد بقي بيعلي الايام دي والحمد لله
هما اللي عملين الازمه دي علشان يشغلونا شويه عن البلد والللي بيحصل فيها وننسي مبارك ومحكمته والناس دول
ونهدي بقي كده ونقعد في بيوتنا نفكر في المشاكل دي
شوفتي تفكيرهم
ولا ايه خسروا الناس المفروض انها تكسب زي حمدين صباحي وابو الفتوح
وكسبوا اتنين ضد بعض نهائي
شفيق ومرسي حطنلك اتنين علشان تكون المساله متعقده ومش عارفه تنتخبي مين ؟؟؟؟؟
وبرده هيكسبوا اللي عوزينه في صالحهم البيه شفيق
لان الحلو مشير طنطاوي قالها كلمه مش هخلي البلد يمسكها حزب معين من الاحزاب
طيب وانت مال اهلك الشعب عاوز مين انت هتغصبهم ع شئ
وتزور وتقولي انتخبات نزيهه
اهو شلولك مجلس الشعب علشان لو مرسي كسب يبقي مش مسنود وميحطش دستور ع مزاجه هوا والمجلس

كلام كتير اوي يا حبيبتي مش هنخلص لو فضلنا نكلم فيه
وانا مش سياسه اوي او بفهم اوي في السياسه علشان اكلم فيها
بس في حجات عرفها وفهمها واديني بقولها
ونزلت رشحت مرسي وعملت اللي عليا
وربنا يولي الاصلح يارب



Powered by vBulletin® Copyright ©2000 - 2019, Jelsoft Enterprises Ltd.
المواد المنشورة في منتدي المصطبة لا تُعبر بالضرورة عن وجهة نظر القائمين على الموقع ولكنها تعبر عن وجهة نظر كاتبها فقط.