العودة   منتديات المصطبة > الأقسام الأدبية > منتدى الشعر والخواطر

منتدى الشعر والخواطر للأشعار والخواطر المكتوبة "للحـَرفِ توهّـجْ.. مـَراياَ للصـُدورْ تـُرجُمـَان للمشاعـِر"

وأوُعىَ تِحب

كاتب الموضوع: Tawfik، فى قسم: منتدى الشعر والخواطر


1 
Tawfik




وأوعى تحب
عشان الحب
من غير واحدة بتحبك
ما يكملشى
حييجى اليوم
حتبقى الأولى ف حياتك
و ف عز ما أنت محتاجها
تقول حمشى !


حتفضل آسره أفكارك
و تسيبك تتكوى بنارك
و تراقبك من بعيد لبعيد
و تشمت فيك
و تنام و هى مرتاحة
و تسيبك أنت
ما تنامشى !


حتتوجع أوجاع
تحس محدش حسها قبلك
و عقلك يقتلك بسؤال
كان مين بتحبه من قبلك
و تحلم بيها
ف نومك و صحيانك
و هى بيك
ما تحلمشى !

فكر قبل ما تحب
ييجى مية مرة
و افتكر فى ألف غيرها
يبانوا ملايكة
من بره
فكر و دور
و اطرح و جمع
و شوف مين باقى
و حتى لو مش لاقى
ما تحبش واحده
مضطره !

ما ترسمهاش
من عقلك الباطن
و تيجى تصدق الرسمة
ما ترسمهاش
ملكة بجمال فاتن
و طبع أرق م النسمة
جردها م الهوا فيها
و هلال الضى براها
شوفها زى ما الرب
خلاها
ما تقولش نصيبى
و القسمة !

و أوعى تحب !وأوُعىَ تِحب s39.gif





Powered by vBulletin® Copyright ©2000 - 2019, Jelsoft Enterprises Ltd.
المواد المنشورة في منتدي المصطبة لا تُعبر بالضرورة عن وجهة نظر القائمين على الموقع ولكنها تعبر عن وجهة نظر كاتبها فقط.