العودة   منتديات المصطبة > الأقسام العامة > منتدى النقاش الجاد

منتدى النقاش الجاد ناقش معنا بهدوء وبدون تعصب أشهر وأهم القضايا والمواضيع التى تشغل الجميع


1 
Temō Janiar

بسم الله الرحمن الرحيم
السلام عليكم ورحمة الله وبركاته

انا ملاحظ ظاهرة منتشرت فى المنتديات
وهى ظاهرة المواضيع مش عايز اقول عليها تافهه

لكن ممكن نقول مواضيع لا تحمل اى فائدة
ولا تعود بأى فائدة على الإنسان سواء العضو
اللى كتب الموضوع او باقى الاعضاء المشاهدين

مثلا المواضيع اللى بتتكلم عن البنات بنوع من الاستفزاز
او العكس يعنى مقارنة البنات مع الموبايلات
او وصف نوعيات الشباب ونوعيات البنات
طيب انا استفدت اية من الموضوع ده ؟!

كمان الشات والفيس وتضييع الوقت الكتيير جدا
بين صفحات الفيس وعلى الشات اللى بيتقال
فية اما كلام فارغ او كلام قذر

يا جماعة كلنا كشباب وبنات المفروض
نستغل عمرنا ووقتنا فى الاستفادة
المفروض نستغل المنتدى والانترنت بشكل عام
اننا نفيد نفسنا فى الدنيا والآخرة

فى الدنيا اننا نتعلم ونستفيد من الوقت ده فى كسب
اكبر قدر من المعلومات اللى هتفيدنا فى مراحل حياتنا الجاية

وفى آخرتنا احنا هنندم كل كل ثانية
يعنى اصحاب القبور دلوقتى اكتر حاجة بيندموا عليها
ثانية واحدة لم يذكروا الله فيها وبيندموا على عمرهم
اللى راح هدر ومقدروش يعملوا فية شئ ينفعهم
فى قبرهم وفى آخرتهم
قال صلى الله عليه وسلم أنه قال:{
إذا مات ابن آدم إنقطع عمله إلا من ثلاثة: صدقة جاريةأو علم ينتفع به أو ولد صالح يدعوا له}

اعمل صدقة جارية على روحك عن طريق الانترنت
ازاى؟ ( المنتدى الإسلامى العام)

استفيد من الانترنت الطفرة التكنولوجية اللى
نقلتنا نقلة كبيرة جدا وسهلت علينا المعلومات
وسهل التعليم وكسب المعلومات


قال صلى الله عليه وسلم " ما من ساعة تمر بابن آدم ، لم يذكر الله فيها ، إلا حسر عليها يوم القيامة" حديث حسن



لازم نختار مواضيعنا وردودنا
لاز نبص ع مدى استفادتنا الشخصية واستفادة غيرنا مما تقدمة ايدينا
لازم نستفيد من وقتنا ونفيد غيرنا
لازم نعمل لدنيتنا ومستقبلنا فى حدود المباحات
لازم نعمل للآخرة وما بعد الموت
..





Powered by vBulletin® Copyright ©2000 - 2019, Jelsoft Enterprises Ltd.
المواد المنشورة في منتدي المصطبة لا تُعبر بالضرورة عن وجهة نظر القائمين على الموقع ولكنها تعبر عن وجهة نظر كاتبها فقط.