العودة   منتديات المصطبة > الأقسام الأدبية > منتدى الشعر والخواطر

منتدى الشعر والخواطر للأشعار والخواطر المكتوبة "للحـَرفِ توهّـجْ.. مـَراياَ للصـُدورْ تـُرجُمـَان للمشاعـِر"


1 
Tawfik


بحبك حب على كيفك

و حلمى أصله تأليفك

يا ساكنة فيا جوه الروح

و بيتى جوه تجويفك

فى جوعك ببقى أنا رغيفك

... فى حربك قلبى أنا سيفك

يا اصيلة يا أم كل الكون

و الحب ده أصله تعريفك

فى جرحك ببقى انا نزيفك

بجسمى يبقى تغليفك

و لو بعدت عن حضنك يوم

بعيش فى الغربة مع طيفك

فى بردك ببقى أنا صيفك

فى ظلمك غاوى تنضيفك

و لو قالوا كبرتى خلاص

بربيعى يتمحى خريفك

فى حضرك و فى قرى ريفك

الخير ساكن تلافيفك

مايهمنيش لو قالوا كلام

و قالوا نامية فى تصنيفك

فى جهلك حبى تثقيفك

و راضى بكل تكليفك

و مهما بشوف وياكى جنان

بحب عقلك و تخريفك

و مهما يحاولوا تجفيفك

و مهما يحاولوا تزييفك

يا عمرى إنت ست الحسن

مهما يحاولوا تحريفك

و لو حد حاول تكتيفك

أو حتى حاول تخويفك

أحفر لك جوه جسمه قناة

فى دمه تمارسى تجديفك

عنيدة و صعب توظيفك

جميلة و صعب توصيفك

الكون فرش لك أرضه بساط

مستنى يا حرة تشريفك

زُوجتى المُستقبلية يا عُمرى أنتِ ست الحُسن :) s04.gifزُوجتى المُستقبلية يا عُمرى أنتِ ست الحُسن :) s04.gif





Powered by vBulletin® Copyright ©2000 - 2019, Jelsoft Enterprises Ltd.
المواد المنشورة في منتدي المصطبة لا تُعبر بالضرورة عن وجهة نظر القائمين على الموقع ولكنها تعبر عن وجهة نظر كاتبها فقط.