العودة   منتديات المصطبة > الأقسام العامة > منتدى النقاش الجاد

منتدى النقاش الجاد ناقش معنا بهدوء وبدون تعصب أشهر وأهم القضايا والمواضيع التى تشغل الجميع

إفـتـكـاسـات ...

كاتب الموضوع: Ala Ma Tofrg، فى قسم: منتدى النقاش الجاد


1 
Ala Ma Tofrg

إفـتـكـاسـات ... 259763985.gif
ورحـمه الله و بركا TOO







إذيكم يا ولادى عاملين إيه

طبعا وحشتكم ووحشتكم مواضيعى الجميله

متصقفوش متصقفوش

واضح إنبهاركم

شكل محدش هيرد ع التوبيك

و هيبقى شكلى وحش

هنهذر مع بعض كتير ولا إيه

ناس تخاف متختشيش



إفـتـكـاسـات ... 657273759.gifإفـتـكـاسـات ... 657273759.gif



نخش ف الموضوع ...

طبعا إحنا أطيب شعب و دى حقيقه

شوف الشعب المصرى

ف شخصيته .. إنفعالاته .. رد فعله

كل شئ .. هتعرف منه فعلا انه اطيب شعب


إفـتـكـاسـات ... 657273759.gifإفـتـكـاسـات ... 657273759.gif



لفت نظرى حاجه كدا

بتنرفذنى جدا و تعصبنى

بشوفها كتير جدا واما بتكلم

بطلع انا الغلطان

وبتقلب يا اما بخناقه

يا اما يتقال عليا انى بتنطط و بتفلسف


إفـتـكـاسـات ... 657273759.gifإفـتـكـاسـات ... 657273759.gif



يعنى مثال ...

حسين بيكلم فوزيه


شفتى إذاذه الحاجه الساقعه الكولا

مكتوب عليها لا مكه لا محمد

اووو لا اله الا الله

الناس دى كفره يا خويا


احنا مش هنشربها تانى خالص

وهوبا اول ما ينذل

تبعت الواد حموكشه يجيبلهم لتر كولا

يشربوا فيه هى و الجيران

وتقعد تحكى الى قاله جوزها

اسكتى مش كولا بصى مكتوب عليها

لا مكه لا محمد

اشربى اشربى ...

وبهذا اصبحت كولا شعارها

لا مكه لا محمد

واصبحت المشروب الرسمى لام حموكشه


إفـتـكـاسـات ... 657273759.gifإفـتـكـاسـات ... 657273759.gif



حاجه تانى مش عارف ناس كتير عارفاها ولا

وهى البوكيمون الى كان بيطلع ف الشيبس

ف حاجات ذيه حاليا بتطلع برده

بس بأسماء مختلفه

بس الكل طلع اشاعه وقتها

ان البوكيمون دا اسماء اسرائيليه

ومش عارف بيجيب مرض ايه


والمشكله الناس بلاقيها منذله توبيكات

بتقول فيها احترس من كذا و كذا


إفـتـكـاسـات ... 657273759.gifإفـتـكـاسـات ... 657273759.gif





دى كانت امثله بسيطه

ف حاجات تانى كتير

بنحورها و نخليها ع مزاجنا

انا بس الى كنت بقوله

دى شركات كبيره

ناس مش هتحاربنا ولا هتحارب ديننا

بالشكل دا أبدا

بالعكس دا احنا كدا الى بنبين

اد ايه احنا متخلفين و بنجرى ورا اى شئ

يعنى إيه الدليل


ع إن كولا دى لا مكه لا محمد !!!

ع إن البوكيمون اسماء إسرائيليه !

ع إن ف كاوتشات مكتوب عليها لفظ الجلاله من تحت !!


فين الدليل القوى

مش الى إحنا بنهيئه لنفسنا


إفـتـكـاسـات ... 657273759.gifإفـتـكـاسـات ... 657273759.gif


إحنا شعب طيب و جميل جدا

ساعات بننشر الهيافات دى غصب عننا

مش قصدنا حاجه وحشه

بس بتنرفذ اما بسمع الكلام دا قدامى

وبحس ان لو حد جه شافنا كدا

بنعمل افتكاسات و نشتغل نفسنا

هيقول علينا شعب متخلف


إفـتـكـاسـات ... 657273759.gifإفـتـكـاسـات ... 657273759.gif


إنت من المفتكسين ؟


رد فعلك إيه اما بتسمع الحاجات دى ؟


هل إنت من الى بينشروا الكلام بدون التأكد من صحته ؟


رأيك إيه ف الكلام الى فوق دا

( حلو طبعا ) ؟





Powered by vBulletin® Copyright ©2000 - 2019, Jelsoft Enterprises Ltd.
المواد المنشورة في منتدي المصطبة لا تُعبر بالضرورة عن وجهة نظر القائمين على الموقع ولكنها تعبر عن وجهة نظر كاتبها فقط.